كلب مطيع كلب وديع
و بجد شطوره يابت
انا هابعتلك بكره هدية
واهديكي كمان لقب الست
علي بابك واقف حارس
يهز ويبوس في مداسك
مستني العضمه من الست
ياما كان قبلك فيه شنبات
والدفع كان يا واد بشيكات
اول بس ما يعدي حدوده
علي رصيفها ليلاتي يبات
وياريته ياعين أمه صغير
دا جدو وبيدهن كريمات
علشان بس يعرف يرقد
من صرخ عضامه وعضلات
عاملي فيها العندليب
وواد. رومانسي وكمان حبيب
لما بتلمس. بس. أكتافه
قوام. ركبه بسرعة تسيب
شغلاه بالرمش وبالعين
هيروح من حركاتك فين
دا. جدوا. ياعين أمه مسكين
مش حمل الرمش والعين
يا ما قولنالوا كتير. كلمات
وأنه مش قد الحركات
ويا ما كتير حكالي عنك
ومن دلعك معجون بأهات
وانا. نصحته وهوا براحته
يا خساره علي. برم الشنبات
هي فطره. ومش بتطول
وهاتبكي من غدر الستات
كان. مالك انت ومال حوا
كنت متداري في بلاصك
ومتحضن بأهلك وبناسك
الوقت. بتفطر بشاورما
فين. ايام الجبنه قريش
والبتاو كان بدل العيش
والحليب مع. القراقيش
كان. وشك معجون بحلاوه
دلوقتي لابسلي خنافس
وعاملي دقنك ياواد هيبس
حتي. الهيبه. دي. راحت منك
ومعاها كرامتك والطيبه
بعت الكل بسرعة عشانها
وانك فاكر كده. في. الجنه
ياعم دي بتغير فيهم
زي. الكوتش ويا. شباشب
واخر. كلمه انا هاقولهالك
ارجع وبسرعة لصوابك
احسن خلاص دا جن جناك
والكل زعلان علشانك
ارجع تاني لطينه اصلك
واعرف رجلك. وأعرف راسك
دي. الايام بتهد ف انفاسك
ومش لايق عليك شكل حليم
بس خلاص
بقلم
أحمد محمود
ليست هناك تعليقات:
إرسال تعليق