نحنا عارفنك من جوه قلبك
يا حبينا الجسور
بتشتهيها... بتشتهينا
مرة أسأل يا منايا
إيه أسباب همي وعنايا
يا حبيب عمري وشقايا
وأبقى أعرف من البداية للنهاية
لو أقوله وأشاور ليكا
ما كفاية ... ما كفابة
لأنو حبي ليك مراد وغاية
ريدة غامرة عميقة للنهاية
💜💘🦜💘💜
يسلم القمر البنريدو وبريدنا
وحياة عينيك يا مدد قصيدنا
يا الشموخ الزان نخيلنا
هون عليك وسامحه عليلنا
💜💘🦜💘💜
قسما بي الشايلنو نابض
في وريدنا ونون عينينا
إنت زادنا ونورنا وكل مرادنا
إنت نورنا وياك دليلينا
💜💘🦜💘💜
ياكا الفنار البضوي ليلنا
وإنت ظلال دوحة مقيلنا
يا صراح آسر نزف هميلنا
شايقانا شوفتك
والبسيمات الحنونة
متين تصفى ليالينا وتصافينا
وقلوبنا ترسى ويسكن أنينة
💜💘🦜💘💜
محال نجفاه ريدك
حتى لو بي لهيب الصد تقيدنا
بالسهاد تتفصد عينينا
والأشواق تتفطر كبيدنا
مستحيل نتخلى عنك
💜💘🦜💘💜
ما ريدنا ليك ظاهر وبين
أبقى أعرف إنو إنته
آآآه يا إنته
إنته ريدنا وإنته سيدنا
قلبك أبيض.. أبيض
أبيض ما بتشيل التهمة فينا
ياك سيد ريدنا وملهم قصيدنا
💜💘🦜💘💜
مستحيل نتخلى عنك
حتي لو عزولنا إستباح
كل حلوة مقسومة لينا
إنته وحيدنا وما بنساوم
فيك أبدا أو نسارر
البدور يسرق ضميرنا
نحن عارفين إنو إنته
من جوه قلبك مشتهينا
والفيهو محال ينضب معينا
الحبوب الشبشاوي
(بشير التوم إبراهيم)
الخرطوم السودان🇸🇩
#الشبشاوي
ليست هناك تعليقات:
إرسال تعليق