اوعى لَقلبك يوم ينساني
اوعى لَروحك مني تروح
اوعى يضيع منك عنواني
اوعى لَقلبي يعيش مجروح
دانا علشانك سبت زماني
رحت وراك مطرح ما تروح
من أسوان ولسيدي برَّاني
أيوه اللي على حدود مطروح
ماستحملشي تغيب لثواني
بُعدك زي طلوع الروح
ببقى معاك أنا واحد تاني
بلقى هواك بيرد الروح
بلقى ورودي تزين بستاني
أيوه شذاها معاك بيفوح
حتى طيوري تغني أغاني
وبتتمايل وسط الدوح
ياللي عيونك مالكة كياني
وبأسرار عشقها بتبوح
ياللي رموشك كده أسراني
ومحاصراني لفين مابروح
بلقى الدنيا معاك واخداني
من أحزاني وضيقة الروح
ياللي غرامك جِه وصحاني
قبل ما نومه عليا تروح
لو تفارقني أموت ف ثواني
أيوه تسيبني معاك الروح
روح الروح
بقلمي/ خالد جمال ١٨/٨/٢٠٢٦
ليست هناك تعليقات:
إرسال تعليق