.................
أيه اللي بينا
لسه باقي ما أتكسر
والشهد علقم طعمه ليه
كالح ومر
ياما كتمت الشوق
في قلبي ما صحتوش
والأيد تطبطب أعذره
ولا تخسروش
إحساسي إني عنده أيه
صفر فى عدد
غاب عني راح فين الدفا
ما بقاش سند
داري يا قلبي دمعتك
لأجل الولد
ما تحسسوش صعبان
عليك ولا ليه شرد
طول عمري محروم
من الهنا مكسور ليه
بابي
أبعت له شوقي يصلحه
بيزيد عذابي
لا دروس بعادي علمه
لساه علام
والحضن بينا طوق جفا
وغصون ألام
لا وجودي فارق كل يوم
يعلا الجدار
جوايا غربه ليل طويل
ووجعها نار
جربت حظي هعيش غريب
وأنا ليا دار
والعجز حابس رد فعلي
أخد قرار
موت خلاص إحساسي بيه
ولا لوش نهار
هفضل في ضلمه قسوته
ولا بيا بار
روح تلج حتى فى قربي
منه بتوجع
مات الوصال
بقلم .. صبري رسلان
ليست هناك تعليقات:
إرسال تعليق