الله أعلم بالنوايا
جف ريقي ساعة إني،،،،،،، قلت من حبك رويت
يشهد الله من شربتك،،،،،،،، كلها عروقي ظِمايا
ياسراب كذب طيفك،،،،،،، ما وصلتك لو مشيت
في عيوني شفت دربك،،،،، ما نفع فيها رجايا
في هجير الصيف جيتك،،،، ظِلك البارد بغيت
ومن غرورك رحت عني،،،،،، تبتعد تبغي شقايا
غلطتك تاخذ حبيبي،،،،،،، بس عمرك ماعطيت
آااه ليتك لو تشيل الهم،،،،، لو مرة شرايا
فيك ضاع اللي رسمته،،،،، فيك طاح اللي بنيت
منك قلبي زاد جرحه،،،، وصارت ضلوعي شظايا
عم حكايتنا تراني،،،،،،، أحلف الله ما حكيت
و انت ما صدَّقت،،،،،، شعتها بين البرايا
ساعتي ملت وعودك،،،،،،، يوم توعد ما وفيت
تخلِف الميعاد ضاري،،،،، مو جديدة هالسوايا
كم انا طولت بالي،،،،،، كم على جرحك وطيت
أصنع الأعذار لأجلك،،،،، وإنت تضحك من ورايا
شفتني مجروح أنزف،،،، وإنت حاشا ما شكيت
دامها هذي طباعك،،،،،، الله أعلم بالنوايا
دون ما تحكي عيونك،،،، بينت كل ماخفيت
والله اني ماكذبت،،،،،، وشوف وشك في المرايا
ودي أعرف من عذابي،،،، إنت عاد وش جنيت
غير ذنب إنسان مخلص،،،،، ماربحت الا الخطايا
لو بغيت أنسى عيوبك،،،،، قال قلبي ما نسيت
حبك الطاهر تِلوث،،،،،،، مات ما بين الحنايا
روح دور حد غيري،،،،،، ما يفيد اليوم ليت
وردتك يبست تراها،،،،، وغاب نجمك من سمايا
نمت في عيونك دقايق،،،،،،، بس من حلمي صِحيت
جيت أفتش عنك لكن،،،،،،، ما بقيلك من بقايا
يا خافقي لا تِألم،،،،،،،، و لا تقول الخاين نسيت
قول وحده الله أعلم،،،،،، بما يجول بالخفايا
يا خافقي أرهقتني طيبتك كثير،،،،،،، ويا ريت
تنتهي فيني،،،،،،،، يصبحوا روحي و نبضي قسايا
بقلم الشاعرة الفلسطينية /آمال محمود
ليست هناك تعليقات:
إرسال تعليق