مش محتاجة للمرضية
-----------------
مش هستنى حنان من قاسى
ولا هستنى الحنية
انا انسانه وعقلى فى راسى
ومش محتاجة للمرضية
مش بكلام راح ترضيلى قلبى
ولا راح احن ليك بهدية
دا انا محتاجة بس لحاجة
وانتا جهلها يا نور عنية
انا يرضينى تملالى عينى
ولوتراعينى وتبقى عليا
ومتسمعش كلام عزالى
ولا على كلمة تأنب فيا
وتحسسنى بانك امنى
وانتا الباقى ليا فى عمرى
ولو راح اغيب فى يوم عن عينك
تسأل تسأل تسأل عنى
مش محتاجة كلام وبس
ولا بالكذب يكون الهمس
ولا للنظرة السهيانة
ولا للبسمة وهز الرمش
انا محتاجة تقرب منى
وتبقى امانى وتطمنى
ولو راح اغيب تسأل عنى
مش محتاجة حنان من قاسى
دا انا انسانة وعقلى فى راسى
ومش محتاجة للمرضية
مش محتاجة للمرضية
بقلم محمد البلاط
ليست هناك تعليقات:
إرسال تعليق