قصيدع بعنوان
(يا قلب. ؟!)
قدم قرابين
المحبه وإرفع
إيدك للسما
وإدعى ربنا
تحتويك.
تحضنك تلمسك.
تخفف الشوق
إل فيك.
تبنى لك جوا
قلبها ركن
بإسمك ترتل
فيه بإسمها
وتصلي إن ربك
ليها يخليك.
ويحميك ويرزقك
برزقها تبني لها
قصر المحبه
والحنان لو تمنيت
منها بوسه ألف
بوسه من ثغرها
ممزوجه بعسلها
تعطيك.
تخدك على صدرها
ترتمى من التعب
وتنسى دنيتك
والهم ونار
عطفها يدفيك.
مين ساعتها
يا حلو من
بعد نومك الطويل
يقدر يصحيك.
آه من حلاوة
حضنها وآه
من حاجات تانيه
بتتوزن بالدهب
تفرحك وتسعدك
وتنعنشك
وتورد خدودك
وتعيد سنينك
إل مرت البارحه
سنين الصبا
والروح بعد
إنهزامها من الجسد
ترجع فتحييك
قدم قرابين الولاء
والطاعه آه
من زعلهم
وآه من دموعهم
وآه منهم لو
يحردوا مين
ياإل يقدر
على الجائحه
والريح زلزال
وشلال الغضب
يجرفك فى السيل
تضيع وتضيع
أمانيك.
خلق فيهم
ربنا العسل والمر
والحلو والحنظل
وشئ محسوس
وغير محسوس
ملموس يهوسك
ويضيع البرجين
إل فى عقلك
ويجننك وفى
هلاكهم يرديك.
أطلب المطافى
بسيارته.....
ورجاله ودفاعه
المدنى....
دا لو قدر
وتتوجد ميه
تطفيك.
يا قلب إسكت
وإعيش.
جرب تنزوى
لوحديك ماإنت
فى جميع الحالات
عايش لوحديك
غير مع صبرك
وقهرك خليك
حريص وحويط
وإحمد......
ربنا إنها لحظه
بترضى فإرضى
بقليله إنها
حطاك فى بنودها
الشخصيه.
إسكت وإنكتم
خالص وإعمل
عبيط لا من
محتوياتها وبنودها
بشطبة قلم
تمحيك....؟
قدم قرابين الشكر
وإنحنى وقول لها
من إيديك لمنين
ما تطلبى
محبوبك الأوحد
وخدامك سخرنى
ليك ربنا فأتنعمى
وإتبغددى وشدى اللجام
وإركبى ولو تعثر
البغل هدديه
قولى له
لو ما مشيت
عدل وبإنتظام
كما الألف
بشرفى هأعلمك تانى
من الأول كيف
يكون الولاء
وأربيك.
قدم القرابين
وأسكت......
خلى المراكب
سايره وتدور
عجلة دنيتك
وخلى الباقى من
عمرك يولى
بمرارته بيك.
قدم قرابين
الخوف وإركب
الموجه وزي ماتتجه
روح منين ما
تحدفك وترميك
15/12/2020
ترنيمات وخواطر.بقلم)
خيرى حسنى..............)
ليست هناك تعليقات:
إرسال تعليق