الكل عايز يزعلنا..55
الكل عايز يزعلنا لامقدر إحساسنا ولا مشاعرنا
بيدوس علينا وعايز يجرحنا ويحسسنا دايما بفشالنا
مع الرغم تفوقنا ونجاحنا ونيتنا الصافيه ولما نطالب بحقوقنا ماحدش فيهم يعرفنا
لا بكلمه حلوه ولا شهادة اعتزاز وحب تسعد أيامنا والفرحة تملى قلوبنا
عايزين الحلو اللي فينا والمصلحه العامه لكن وقت الجد يكسروا بخاطرنا
لكن ربنا معانا وعليهم هاينصرنا ومهما صادفوا ناس غيرنا برضوا هايرجعوا وينفذوا شروطنا
ويقدروا الكلمه الحلوه والمضمون الجميل اللي كان سبب في نجاحنا
ومسير صوتنا يوصل والكل يعتز بصداقتنا والدموع من عنيهم سايله ويعرفوا قيمتنا
اصل احنا شعب مايعرفش قيمة الطيب الا لما يفرقنا ويبعد عنا
لكن مش فارقه بالنسبالنا عشان ناجحين ومقدرين النعمه والفكر اللي ربنا عليه هايسألنا
مافيش قدامهم غير العشق والغرام هو دا اللي يسعدهم لكن مشاكل الناس والنصيحة يستخبوا ومن هنا بيعرفوا قيمتنا.
الشاعر الناجح اللي يرضي اللي خلقه ويعالج قضايا عصره ويسعد غيره بقلمه
مش العشق والغرام اللي هايدخله الجنه ولا صوره رومانسيه هاتوصله للمجد والشهره اللي مسيطره ع عقله
دا ف رب اسمه الكريم قادر يكسره ويذله ويحسسه بعجزه وفشله
لما الموت يفجاه وهو بيكتب قصيده بتكون دافع لإنحراف جيل لسه ف بداية عمره
قادر ربنا ينتقم منه عشان مشغول بالشيطان والحب والغرام اللي هايجنن عقله
اتقي الله وكل شاعر له أجله دا القلم امانه ورساله ربنا عليه هايحاسبه....
الشاعر طاهر مختار عتيت..../الفنان .
شاعرالعصر...تحيا مصر...طنطا... كفر الزيات
ليست هناك تعليقات:
إرسال تعليق