سيبها 55
سيبها تختار شريك حياتها ومافيش داعي عن اللي بتحبه تبعدها
هي المسؤوله عن تصرفاتها قدام اللي خلقها بتحبه وملي دماغها
واللي بيشيل قربه مخرومه بتخر ع صاحبها ولو اشتكت منه ف يوم حاول تنصحها
ومافيش داعي تفضل بالكلام تجرحها وتذلها وعايز تكسرها
دي بنت ولو جوزتها غصب عنها هاتدعي عليك طول سنين حياتها
حتى بعد ما تفارقها وربنا عليك هايحاسبها اهدى واعقل طلما بالحلال لبي رغبتها
وافتحلها أبواب السعاده إللي تناسبها عشان تدعيلك بالرحمه طول ماهي عايشه والفرحة باينه ف عيونها
ف الاول والاخر راجل هايتحملها وعارف يعني ايه حياه زوجيه ولازم غصب عنه يسعدها
لكن لو جادلت وحاولت تفرض عليها شخص مش ع مزاجها
هاتكون انت الضحيه وكل شويه تبكي بدموعها وداخله بيته ومش راضيه وكل يوم مشكله بسبها
وممكن تعرضها تكون خائنه وتفضل مع اللي بتحبه مع الرغم ع ذمة جوزها
وولادها بين أحضانها يبقى استرها ونفذ طلبها هي اللي هاتعيش معاه مش انت ولا حتى مسؤل عنها.
وكل شئ قسمه ونصيب والبداية انت اللي بتحددها يبقى مافيش داعي تكسر بخاطرها
دى مشكله واقعية وشاعر العصر بيوضحها واكيد البعض عاشها
وفيه اللي سعيد وفيه اللي لسه مش قادر لحد النهارده يصدقها
يبقى نحافظ ع سمعتها طلما بالحلال يبقى شئ جميل ويشرفها
وندعي من قلوبنا لأولادنا بالسعادة والفرحة وكله ف مصلحتها...
الشاعر طاهر مختار عتيت
شاعر العصر..تحيا مصر
طنطا.....كفر الزيات...اكوه الحصه
ليست هناك تعليقات:
إرسال تعليق