مش شرط يبقى الماضي إيه
محتاجة لحد اسند عليه
ويكون وطن ويكون دفا ويكون طريق ..
ينفع يكون أقرب صديق آخر أمل ..
آخر وسيلة للحياة من غير وجع
من غير ضياع من غير دموع وقت الوداع
ويكون كيان ويكون لي حضن وبيت وإيد
ينفع يكون ابني الوحيد أو اخ ليا عزيز
ويكون مكان دايما بروحه في وحدتي
ويكون طَموح ..
أنا نص قلب ونص عقل ونص روح
محتاجة لحد أكمّله واكمل معاه ..
محتاجة لحد يحلي فى عنيا الحياة
محتاجة لحد يكون انا .. يقسم معايا الدندنة
يقسم معايا الصبح .. والنوم والكسل ..
ميكونش نقطة ضعف أو سم في عسل ..
يشاركني في دموع الفرح .. ضحك العزا ..
والصمت والخوف والبكا والاحتياج و النرفزة
محتاجة لحد ان سبته يقول انا مش هسيب !
مطلوب حبيب.. ميقومش بس بدور حبيب .. 💞
نجوى محمد
ليست هناك تعليقات:
إرسال تعليق