كل شئ وله مقابل....57
كل شئ وله مقابل ياخوانا واحنا المسؤولين عن أعمالنا
قدام اللي خلقنا وع حسب نيتنا بناخد أرزقنا حلال حرام كله بمزاجنا ورغبتنا
وماحدش غصبنا عشان سلكنا طريقنا واحنا اللي اختارنا والنتيجه ياضرنا ياتنفعنا
يانبكي بدموعنا يالفرحه تعم علينا احنا وولادنا وكما تدين تدان وربنا خير شاهد ع أفعالنا
ومهما طال العمر الموت ف انتظارنا حتى لو نهبنا وسرقنا وعشنا ف قصور برضوا ف يوم هايجمعنا
حتى لو حافظنا ع صلاتنا وشرفنا والكلمه الطيبه اللي عليها اتواعدنا.
المقابل هانشوفه قدامنا فيه اللي هايبكي وفيه اللي الفرحه ماليه قلبه وكله كان بختيارنا
وبرضوا عايشين ف مولد وغفله حتى النصيحه مش بتلفت نظرنا
اللي يهمنا الرغبه والمتعه والمصلحه العامه والدين مش فارق بالنسبالنا
مع الرغم ف صالحنا لكن خالفنا وبعنا ضمايرنا بهدف نرتاح ف حياتنا ونوصل لهدفنا
ع حساب مين مش موضوعنا اهم شئ نعلى ونعيش شبابنا ونتمتع ونرضي غرورنا وكبريأنا.
ونزعل لما اللي نحبه يغدر بينا ويخداعنا ومن هنا نفتكر اللي خلقنا أو لما نمر بمرض ونحس بعجزنا وفشالنا
او نحس إن الموت هايفجإنا نفضل نبكي وخايفين والقلق شاغلنا.
حتى لما نلاقي شاعر ينصاحنا ويكتب حاجه تنفعنا برضوا مش شاغلنا
والحب والغرام هو بس اللي بيريح قلوبنا مع الرغم بيكون دافع لنشر الرغبه والفساد لينا ولغيرنا
ومفيش شخص مهتم ودايما يجادلنا وعند الحب يخضع ويسلم عشان مبني ع الرغبه والمتعه الجنسية ودا سر فشلنا
عشان الصراحه تزعلنا وكلمة الحق بتقف دايما ف زورنا والكدب والنفاق هو بس اللي بيسعدنا
يارب اهدينا واصلح حالنا وطهر بالإيمان نفوسنا واجعل المقابل يسعدنا ويفرحنا
شاعر العصر صاحب كلمه لها مضمون ومعنى يفيدنا وينفعنا بقصيده جميله تنال اعجابنا
وتحسن دايما من أخلاقنا وتذكرنا باللي خلقنا وداوي همومنا وأوجعنا ويرسم الفرحه داخل قلوبنا...
الشاعر طاهر مختار عتيت
شاعر العصر....تحيا مصر
طنطا...... كفر الزيات.......اكوه الحصه
ليست هناك تعليقات:
إرسال تعليق