ماحدش عجبه56
ماحدش عجبه لا اخ ولا صاحب وعايش بس لنفسه.
ولما يقع يبكي بدمعه وعايز الكل يساعده ويكون تحت امره
ولما يحس بالراحه ينسى اللي كان خيره عليه طول عمره
بيشك دايما ف الكل حتى زوجته وولاد عمه وأخوه اللي من صلبه
والغيره ماليه قلبه ورافض يكون شخص افضل منه وكل شويه يقدم استقالته من شغله
يدور ع حاجه تسعده عشان يرضي نفسه يبيع ورثه ولما يخلص يدور ع دهب مراته عشان يسعد نفسه
ويرجع لأصحابه وأهله ويفضل يبكي عشان الكل يقف جنبه
لكن مش بتاع مسؤوليه والكره ملي قلبه لكن مش بيحمد ربه
كل شويه يشتكي لامه لكن عارفه أنه فاشل من صغره والعقل تايه وظالم ناس كتير كانت تحبه وتعزه
الكل فارقه حتى مراته طالبت الطلاق منه وأصبح سمعه وسيره وحشه ف حقه
كان فيها ايه لو عاش ع قده وقدر النعمه وحافظ ع العشره وضحى عشان يسعد ولاده وزوجته
لكن دا طبع ومستحيل يتخلى عنه مع الرغم يقدر يعالج مشاكله ويرضي الكل وأولهم ربه
لكن الشيطان مسيطر ع عقله وحاسيس إن مافيش ف الدنيا زيه
واستغل جماله عشان يوصل لهدفه وفاكر بالكلام هايححق حلمه
لكن لما وقع ماحدش رحمه بسبب سوء تصرفه والكره اللي ملي قلبه
بعد ما خالف ضميره وحاس بعجزه ولاقى الكل وواقف ضدده
حاس بزنبه وعايز يرجع لكن بعد ايه والموت ف كل وقت محاصره والكل عايز ينتقم منه
كل مايبعد أو يهرب يلاقي عدو عايز يقتص منه بسبب طمعه والظلم اللي بيجري ف دمه
عايش ف الدنيا خايف والفكر شغله ومش قادر يرجع لكل شخص حقه ودي نتيجة إهماله وطمعه. ...
الشاعر طاهر مختار عتيت
شاعر العصر.... تحيا مصر
طنطا كفر الزيات...اكوه الحصه
ليست هناك تعليقات:
إرسال تعليق