القدس ناداني
شعر عامية / ناجح أحمد - مصر
أنا صاحي و لحد الفجرْ
أحكيلكم عن غزو بدر
عن خيبر و صلاح الدين
و أكتوبر و يا حطين
و الجايه هيه فلسطين
و الحره هيه فلسطين
أنا مصري حررت بلادي
من سينا و معاها بوادي
بسلاحي و كمان بكفاحي
هنحرر من وادي لوادي
إصرارنا كان كل أملنا
نتحرر من ظلم البادي
و الجايه هيه فلسطين
و الحره هيه فلسطين
أنا مسلم و القدس ناداني
كان تايه و هيرجع تاني
كان فاكر إننا ناسينه
و هنرضى للغدر يهينه
و يدبح أطفالنا في حرمه
و العالم بسكاته يعينه
و الجايه هيه فلسطين
و الحره هيه فلسطين
أنا عربي مسلم و مسيحي
الدرة و عيسى و رميحي
جمعتنا الوحده و الدين
هنحرر أرض فلسطين
هنحرر أرض فلسطين.
ليست هناك تعليقات:
إرسال تعليق