قصيدة شروقي
............الله ياهالوطن..........
الله ياهالوطن شوصايبك الله
كترت جروح اﻹلك ماقدرت إحصيها
عاكتر كبر الجرح إصرخ وقول اﻵه
من القلب صرخة وجع ماحسنت إخفيها
ياوطن كل العمر جوا القلب ذكراه
وﻻقدرت إنسا أرض عايش انا فيها
ياوطن متل الحلم سبحان من سواه
مناظر ع مد النظر وجنة روابيها
كل يوم عند الصبح للرب إترجاه
تايصون إلنا البلد وحدة أراضيها
ويرد عنو البلا ويرد كيد عداه
وتبقى سوريا لنا والرب حاميها
يتراب كلو طهر بدمو البطل رواه
كرمال راية وطن يبقى معليها
لما ينادي البلد أرواح تبقى فداه
أرضك سورية وجب بالروح نفديها
بقلمي
الشاعر عيسى وسوف باظة
ليست هناك تعليقات:
إرسال تعليق