دمعه منسيه (317)
................
بعد العمر اللي داب
وكبرت وشعري شاب
ليه يا دمعه عيني قاسيه
ليه تايهه في ليل عذاب
مش حاسه بوجعي فيا
عاوز أبكي عاللي ليا
نفسي أبكي عاللي غاب
ما تحني يا دمع عيني
طفي ألمي وواسيني
مشتاق بس أرحميني
ليه دمعك ليا ناسي
وحجزني ب 100حجاب
الذكرى بتناديني
وجفا الخريف كاسيني
أرسم ألوان ربيعي
يهرب مني الجواب
محروم لسنين طويله
عايش ما بيدي حيله
جوايا هموم وشيله
جوايا كوم عذاب
مين قال يسمعني وأحكي
وأفضفض أجني راحتي وأسد جدار عتاب
قالوا صخر جماد وزينه
وآهات قلبي الحزينه
مين حس ٱنينها منكم
مين شاف وجعي
اللي داب ..
وتلاهي يا دنيا ناسي
بتدور بينا لمراسي
كل اللي ليا راحوا
عدوا وفاتوني وحدي
خايف ليه من الحساب
والدمعه مستحيه عني
ليه مداريه ما تحني وأروي خدي
طفي صهض العذاب
صعبان عليا نفسي
نفسي أبكي عاللي غاب
بقلم .. صبري رسلان
ليست هناك تعليقات:
إرسال تعليق