ضرب آخر من ضروب القصيد بالعامية المتداولة نخوض غماره
(((كبرنا ،هرمنا،لكن ما سَلِّمنا )))
كبرنا
و الله العظيم كبرنا
و شتى ...
انواع الترهدين خبرنا
كبرنا
و زاد علينا مستعمرنا
و النوم بعد عن عينينا
هجرنا
كبرنا
صحيح
ضيعنا الطريق عثرنا
و صحيح
اللي نصبناه غدرنا
كبرنا
صحيح
عشرة سنين خسرنا
العيب فينا
ما كان هذا قدرنا
كبرنا
و الله العظيم كبرنا
و مستعدين
للكرطوش نعروا صدرنا
كبرنا
و ربنا
بها الفيروس حذرنا
لكن ...دوّيو
زدنا بحرنا
كان ما ربي يخلص
من الوباء وحلنا
بيدينا
تنجلي الظلمة
و بيدينا
نصنعوا التاريخ
وبيدينا
نغيروا قدرنا
لكن يا خسارة
هرمنا
صحيح
عمرنا ما سلّمنا
قسمنا
والله العظيم قسمنا
رجالنا و حرايرنا
بالروح بالدم
نفديك يا وطنا
لا النفيس عليك يغلى
لا ....و الله
و علجالك
يهون علينا عمرنا
ابن الخضراء
الأستاذ داود بوحوش
الجمهورية التونسية
ليست هناك تعليقات:
إرسال تعليق