الله اللي خلق اﻹنسان
خلقو حساس بيظهر
والكلمة ببعض اﻷحيان
بتجرح أقوى من الخنجر
.........
ﻻكن عنا يخزي العين
بيخلق من أمو متمسح
بيلوش بياكل ع الضرسين
ومتل الفدان متنح
مقشط من رسنو تخمين
ﻻبيحلب وﻻ بيفلح
ومحمرا عا طول العينين
حشاش وعقلو مأجر
....
رزق الله يابو رزوق
عانص فرنك المبخوش
كان إلو قيمة بالسوق
ﻻغشاش وﻻمغشوش
وكنا كل شي فيه ندوق
ونشتري أحﻻبالوش
رزق الله شوكان مرزوق
هالنص فرنك اﻷصفر
.........
هلق صار بدنا ألوفات
تانأمن مصروف اليوم
الماضي ياريتو مامات
وياريت من القبر يقوم
حتا يقشع هالحياة
الشرشوحة الملياني هموم
كل يوم عﻻهم نبات
وهموم الصبح منفطر
قونة عملناك بالبيت
يانص فرنك المبخوش
وياريت بترجع ياريت
بلكي بوجودك نكبر
........بقلمي
الساعر عيسى وسوف باظة
ليست هناك تعليقات:
إرسال تعليق