بقلمي.... لاتحسب النخلة عاليه اهواي
الشاعر والاديب جاسم اللامي اللامي
اريد اكتب قصيدة اوبيه تجريح
ابنظراتك صفوا كلهم مجاريح
لا تحسب النخلة عاليه اهواي
يجيه يوم تيبس تهوي وتطيح
او ما يوصله مي النهر وتموت
اويكسره الهوه من هزت الريح
لاتنغر حبيبي تطفه الشموع
او اصل الثلج مي او يرجع ايسيح
لاتبچي يولفي ابدمع چذاب
ادري آنه چذب دمع التماسيح
محبوس الدمع ما يوگف اعلى الگاع
مثل صبخه اوسكت بيه الفلاليح
مقفول الگلب بس بيدك المفتاح
ولا ترهم عليه كل المفاتيح
او لو صار المراهن اعبر ابحور
وفوزن بيك واتحدى السوابيح
الورد يذبل من يشمون بيه اهواي
اويطيح الما عرف يركب مراجيح
................................................................
كتبت من قبل ولم تنشر وانتشلتها من مذكراتي القديمة ونشرتها اليوم. 2021/9/29سبتمبر الاربعاء
ليست هناك تعليقات:
إرسال تعليق