جت سليمه (374)
..................
قلقانه يا ناس
طمنوا حالي
والبيه ولا جاشي
قافل تليفونه ولا همه
قلبي ما يهداشي
والنبي لأسود فيها ليلته
وينام عند أمه
جاي لي متأخر
فى ميعاده ..
غرقان لي فى دمه
وأخد كام خبطه فى دماغه ومربط كوعه
وأسنيد فيه
يصلب طوله
يصرخ بضلوعه
وأرقع بالصوت الحياني
أيه اللي جرالك
مين اللي مشلفط
في ملامحك
أتوبيس داس حالك
يا ميله بختك ومرارك
راح جوزي بلاش
ده لا ينفع مزمار ولاطبله
كوم قطن و شاش
أيه اللي حصلك طمني
أحكي ما تنساش
... سرقوا فى محفظه
قدام عيني لا نطقت بكلمه ويا دوب ولمحني
واحد فيهم
وخنقني بذمه
إتلموا عليا قالوا حرامي
ولا حول وقوه
أتوبيس بالكامل ضربوني من كف ل١٠٠
قرفان زهقان فش غليلك وإتفنن فيا
حتى الكمسري لطشوا العهده راجلين ووليه
وأتلموا عليهم مسكوهم
يتأسفوا ليا ما خلاص
العلقه وخدناها
ووقعت ضحيه ..
بقلم .. صبري رسلان
ليست هناك تعليقات:
إرسال تعليق