دوامة
_____________😇😇😇😇😱
دوامة أنا في دوامة
مش عارفة بدايتها نهاية
مدوخانى معاكى يادنيا
هى إيه بس الحكاية
آجى لكى شمال ويمين
تتوهينى في بحر سنين
تشوقينى لطعم حنين
أرجع عطشانة بأنين
ماتقولى إيه الرواية
تعبانى ليه عصيانة
علشان غلبانة شقيانة
تزيدى ظلمك ويايا
ماليش غير ربى حبيبى
يداوينى من تعبى أنينى
ذكره طمن لي قلبى
فرج عنى همى وحزنى
أنا كنت وياكى غبية
لفرحة معاكى مستنية
سعادة أو حتى شوية
ضليت طريق الفرحة
أتارى حجمك مابيسوى
جناح بعوضة عند المولى
عرفت إنك زايلة ما دايمة
ولجأت للحى ما يفنى
مايموت ولاتأخذه سنة
من نوم ولا حتى غفلة
عنده خزائنه ومليانة
يعطى بكرمه وزيادة
طلبت منه اعيش فرحة
أعطانى سعادتى وهنايا
شكراً لله على نعمه
ماتعد ولاتحصى للحظه
لو شفت نعمة من نعمه
أتأكد لشكره أنا عاجزة
_____________😇😇😇😇😱
Ghazala Attia
غزالة عطيه
ليست هناك تعليقات:
إرسال تعليق