إبن عمري إبن قلبي
بقلم الكاتبة/ رحاب السيد
إبن عمري إبن قلبي
يعيش وبحضني أدفيه............
بعد كتابتي لقصيدة.......... "عفواً.. بل كتب قلبي".
كنت أتحدث فيها عن أولادي وأحزمة لعبة الكاراتيه الخاصه بهم.
الناس قالولي:
بتكلمي أحزمة لعبة الكاراتية بتاعة أولادك؟
قولتلهم نعم..........
وأكلم حروف كلمة كتبها إبني بكراسته
وأكلم قميصه إللي بأيدي كويت ولبسته.
وأكلم سلاح التلميذ اللي ذاكرتله منه ودرسته
وأكلم شمس طلعت علينا وأنا مودياه مدرسته
واسألها ووصيها عليه.
وأكلم خطوه كنت ببطئها عشان تناسب خطوته
وأكلم شنطته، كانت تقيله عليه.
وأكلم صحابه إللي جم وسألو عليه وهو في درسه.
وأكلم كرسي قعدت عليه أستناه
وهو في تدريب الكاراتيه.
وأكلم رباط حزاءه إللي ياما غلبني
يتفك واميل أربط وضهري يتعبني.
أكلم منبه كنت بضبطه عشان أصحيه بدري
وأكلم ورقة إمتحان ليه بإسمي مضيت عليه.
دانا اكلم الهوى اللي حواليه
مش اكلم بس أحزمة لعبة الكاراتية!
هقول إي واللا إي!
ما هو أصل إبني مفيش زييه
إبن عمري إبن قلبي يعيش وبحضني أدفيه
في صلاتي دايما بدعي يحفظه ربي ويحميه.
بقلم الكاتبة/ رحاب السيد عطر اللافندر.
ليست هناك تعليقات:
إرسال تعليق