عيون امى
قمرايه ونيل
شمس وشط
مفتحتش خشمى للمطر
غير لنقطه ريق
فى نعسان الغيم
فوق سطحنا
الوقت كان ساكت
الشجر بيتمرجح
من غير غنا
سمعت صوت بعيد
صحى الجرح الساكت
شميت ف وش الفجر
ريحة ندى امى
وطير بيرمح
على سطحنا
وصوت
من حته مهجوره
لقيتنى عاشق
بقلب عصفوره
وحشانى قعدة ابوى
ع الطبليه
ورغيف بلدى
متقسم ع الكل
وبستنا بتشمشم
وتطل وترحل
متحبش بستنا الفول
زفرنا م العيد للعيد
والعيد بعيد
الف رحمه ونور
وحشانى اللمه
علي كانونك
وقانونك
العيل مالهوش ف الشاى
عارفه ياغاليه
دلوك م بنعرفش غير الشاي
هاتى فلوس
عندك ابوك
وابوى راح
الف رحمه ونور
بقلمي
حمدي البوقي
ليست هناك تعليقات:
إرسال تعليق