قصيدة لشرح سورة البقرة
_____________
تعالوا معايا نشرح لسورة البقرة
اطول سور القرآن
هي سورة البقره
آياتها عظة وعبره
وقصة سيدنا موسي
مع قومه م اليهود
ووصاهم يذبحو بقره
وده سبب تسميتها
وفيها آية الكرسي
نور بيتوسطها
وست آيات القرآن
لأن الكرسي يعني
عرش الله الرحمن
وفيها كتير عبر
ودروس من ماضي غبر
وقصة هاروت وماروت
وازاي الساحر سحر
لو قريتها جوه البيت
تهرب منه الشياطين
والبركه تعم فيه
وشفاعه ليوم الدين
وف آخرها آيات
بتلخص الديانات
ودستور للمؤمن
وكمان المؤمنات
ان كمال الدين
الايمان بالديانات
وبكل رسل الله
ودا شرط للإيمان
تؤمن بكل الرسل
وبكل الرسالات
إقراها كتير يامسلم
وكل كتاب الله
كتاب لاريب فيه
ودستور للتقاه
_____________
Ghazala Attia غزالة عطيه
ليست هناك تعليقات:
إرسال تعليق