لما قالولى
الأرض اتحررت
رجعت من وحدتى
ادور ف الوشوش
عن الصحاب
عن أهلى
عن البيوت
ولما سألت الناس؟
استغربت السؤال! ! !
كان فيه هنا
النخله العجوز؟
كنت سايب هنا ارغول؟
وغناى والموال؟
ولما سألت الناس
استغربت السؤال! !!!
النيل كان هنا
لالا كان هناك
المكان غير المكان
الشمس هربانه
صرخت سألت
الناس استغربت السؤال! !!
كلام ناس بلدنا
أصبح غير الكلام
رجعت أجري
بعدت عنهم
لملمت شنطتى
وخدتنى خطوتى
لمفارق السكك
ووقفت وحداني
زى عمود الملح
وسط الرمال
ولما سألت
ما لقتش ناس
الناقد
حمدى البوقي
ليست هناك تعليقات:
إرسال تعليق