رياح الماضي 388 بقلم صبري رسلان

 رياح الماضي  (388)

.................

أوقات ما بتيجي 

في بالي ساعات 

بنسى الجراح

بنسى اللي فات

وياما بقعد أفتكر

في الذكريات 

طعم الليالي الدافيه

لسه كأنها 

بايته في حضنك 

بين أيديك 

داب شهدها

بانت دموع عالخد ليل 

نجوم حيارى ..

من الهجر توصف 

تشتكي عشق السهارى

وكأنه حلم ما أنتهى 

لياليه طويله ..

مكتوب عليا أفتكر

ذكراه الحزينه 

وأعيش ما بين غرام  

وراح تارك دموعي

وبين شجن 

صوت الجراح

بيقول لي فوقي ..

ههرب لمين ولحد فين  

ما بقيت وحيده ..

والعمر قرب ينتهي 

والروح بعيده ..

والماضي بنسيمه إبتدأ

برياح شديده ..

لا أنا قادرة 

أقفل صفحته 

ما أنا كلي خوف 

ولساني عاجز من الوجع

يغزل حروف ..

غمضت عيني وقولت أتوه وسط الرفوف

ما بين دموع الذكريات

دابت شموع

مسحت فرح حذفت ألم

بقى فيا روح ..

هحلم بيوم يقولوا صاب الماضي موت

هكسر لسان سن القلم 

وأخلع في توبي من الألم

وأهجر حدود .. 

وأعيش ولو مره الحياه

وبدون شروط

بقلم .. صبري رسلان