الطرطيرة.
عبدالله رجب ابوعدنان
تحت المقام
فردت أحلامي
سيدي الشيخ جاد
صورته قدامي
اتزلزل الكلام
واتمعشق قلبي نور
عديت بحر الخيال
والحلم صاحي محال
شايل هموم كما الجبال
والضحكة ع الخد سرور
وف الطرطيرة حياة اتولدت مع الاموات
النهار شبح وكله سكات
وطوب بيضرب ف بعضة
من كتر الاهات
والقلب ف أساة معذور
وعيون المطار ساهرة
وف المقابر شاردة وواردة
ونظرة الناس ع البعد متواعدة
والواحد تحس كنه مكسور
وعضم وجماجم
مرصوصة رصة
ورز بلبن وحريرة
تفرح الواد والبت ف الطرطيرة
ومقام سيدي الشيخ جاد
ليه هيبة
وبوارج ونسايم
وانا اللي متمعشق بحب الاوليا
وف الليلة الكبيرة
مديح وتفاريح وتباريح
وبنت غزلت من الليل
حب ملا الساحة إيمان وخير
أنا الصوفي ف دنيا الكراكيب
لحمزة والشيمي وخليل
والشيخ والديري وإبراهيم
وابولهنا وكل العيل
تلاقي ليا ف كل شبر حبيب
انا المندوة ف دنيا المحاسيب
أنا متمعشق بحب الحاجر
والصغير قبل الكبير
الطرطيرة..
عبدالله رجب ابوعدنان
شاعر الغلابة
ليست هناك تعليقات:
إرسال تعليق