خليكي طفلة
"من دفتر الطفولة"
خليكي طفلِه زغيره
تتشيطن مع النسمات
مادام القلب طفل
و بعدا دبدبي خطواتو
وترجعي لحاكورة النعنع
تقطفي الوردات
مزركشي بريحة الأهل
والبيت و جنباتو
مِدّي إيديكِ للقمر
قومي لاعبي النجمات
هالعمر شو زغير
اسقالله اللوكس وسهراتو
رفرفي بجانح عصفور
يللا .. سابقي الغيمات
تا تكبري بعد بكير
خليكي ريشِه ع جنحاتو
ياريت بقينا زغار
بقبِه حمرا و مريولات
كتبناها بدفتر طفولِه
كبرناوضاعت
صفحاتو
وسام الحرفوش
ليست هناك تعليقات:
إرسال تعليق