........... ميعجبنيش ......
ميعجبنيش :
بنات ماشيه وف الشارع ................. بتتدلع وتتمايع
باب قاعد علي القهوة .............. لا شغلانه ولا شاغلة
وجيل ماشي علي الموضه ......... وأيامهم بقت عوجه
ميعجبنيش :
كلام هابط بيتغني ................. وحافظينوا كتير منا
وحتي الفن لا م فن ............ وقوللي إيه بيحكي عن
وكلام السر ليه بينقال ...... في وقت الزعلة وبالأفعال
ميعجبنيش :
كلام ستات لا بيودي .............. وناس تاخد ولا بتدي
عاملي شيخ بتاع ربه .......... وهو بيأذي ليه ف خلقه
وبنات بيعروا ميغطوا ........ وشباب بيطاطوا ويوطوا
ميعجبنيش :
رغيف منداس عليه ع الأرض. ضعيف محتاس ومالو
حد
وناي بتذل برضوا ف ناس ... بلا أخلاق ولا إحساس
غني مستقوي بنفوذه ........... وبيجيب إللي بيعوزه
ضعيف ربه هو المولي ............ لا قوه بيه ولا حولا
رخيصه الدنيا متباعه .......... خسيسه فيها م الباعه
تحب الخير لناس كارهين... وف قلوبهم سواد شايلين
خلايق من تراب من طين
الشاعر الغنائي / عرفات فرج الله بلبل
ليست هناك تعليقات:
إرسال تعليق