..................
صقعان بردان
مش طايق وبتكتك مودي مش رايق
لا نافع بطاطين ولا دفايتين صحوني أهرب
فيه حرايق ..
النار لا سابت لي هدومي
مخضوض مفزوع
من نومي
وبسرعه جريت ناطط
من البيت ولا لابس حتى هدومي
ولا حسيت برد
مولع صهض جسمي ولا فرن قادولي ..
توهت أنا لحظات
مش راسي
وعيون شارده وبتقاسي
بتبص يمين
وتطل شمال
من الخوف
فاقد إحساسي
باركولي خلاص طفوها
معقوله سيجارة لقوها
عملت دخانه
بقى نار شعلاله
كلت البطاطين ورموها
هتقضي الشتا
محروم من الغطا
لا سيجارة
واللي جابوها ..
بقلم .. صبري رسلان
ليست هناك تعليقات:
إرسال تعليق