(( المزايا و العيوب ))
بقلمي / عصام حسيني السيد مدين
................................................
متلاقيش ولا مِيزة فِـيا غِير عيوبي ... الشروق جــوايا يُخرج من غُروبي
و الشجاعة تشوفها باينة من هروبي ... التناقض شِـيء طبيعي تحت تُوبي
فيلسوف الحـَرف و الشِعـر الحَـزين ... بُص دَوَر طُوف يا صاحبي بِين جِيُوبي
حتلاقِيهم مَمسوحـــين فَـرغــانين ... بس راضي باللي مقسوم لِي و نصيبي
..............................
بُص أكبر عـيب حقيقي حتلاقِـيه ... جــوه مِـني هـو إني مجنون بالقصيدة
و إن واصل للغباوة وسط أحلامي البعيدة .. و إني بتحول لِقِيس بس ليلى مش سعيدة
فأكتب الحرفين بدمي و أوصل الأحلام ... و أسـمي عَ القصيدة لَـــو ولـيدة
و أغزل الشمس في حروفي خير و نور ... و أركب الأخطار و أعدى للدنيا الجديدة
........................................
هي ميزة إنك تحس إنك جبان ؟ ... يعني خوفك مش طبيعي م الحقيقة و المكان
و إن تتدارى في شــرانق مِـن حـرير ... و لا طين و لا بين الفـَرش عـامِـل ديدبـان
سـاعات الخوف بيحمي جِتة الغلبان ... مِـن الغَـرقـة مِـن الحًـرقـة مِـن الأحـزان
ساعات تفرح بأن عنوانك مالوش عنوان .. و إن الخلق محتارة بتترصَد بقالها زمان
......................................
أنا عيبي الكبير طيب قليل غضبي ... و بتسامح مع المذنب و من قلبي
و بَــ دي الود ما أستنى المقابل لِيـه ... فهل تعرف تخلصني من العقدة و من ذنبي ؟
خطايايا كِتير الكدب و منافق ... لكن بندم و بعد شوية تتكرر
أنا عِـيبي بَـ حِـب الـنـاس و قــلبي بسرعة يتأثَــر
و لا بلمح عيوب الناس بشوف الكُل شيء مُبهر
أنا حطيت عَسل حرفي لكُل الناس مع السُكر
فمين يستاهل الغنوة و مين لازم بضرب ال......... يتقدر ؟
أنا ذنـبي بقيت شــاعر رومانسي في دنيـا بتشخَــر
ضجيج صوتها يُصم الودن صدقني فَـ سِد الودن و اتحرر
فصوم ياللا بــدون احساس ما بين الناس ولا تفكر
ده عقل الشخص قيد مؤلـم إذا كان الجنون أوفــر
فخليك هِـناك عَندك في أحـــلامك و تـُوه واِسكر
و عيش و ِاِرسم حدود عالم سعيد جداً و ليه منظر
خيال في خيال و إيه يعني ؟ عيوبي شكلها تِحير
ما بين الحرف بلقاني شباب طــول عمري و صُغير
قَـصايد كلـهـا بتثبت بـأن الشِعر ده بيسحِـر
و كام مِن عِيب و خبيته لكِن حتماً في يوم يظهر
..................................................
بقلمي / عصام حسيني السيد مدين
مصر المحروسة
ليست هناك تعليقات:
إرسال تعليق