لاتظلم الحب
.......................
ياللي بتشكى م الأحوال
وتلوم ع الحب ف موال
بتقول إن بقاؤه محال
ليه الظلم إيه الإشكال
والله العيب في حبيب محتال
بعيد عن حبه ودايما ضال
دا الحب هدية متعال
يسعد بيه نساء ورجال
وصغير خيل أو خيال
لولا الحب ما كات أوصال
ولا صبر علي هد جبال
كات انقطعت كل احبال
كان الدم ف انهار سال
والحلم من القلب اتشال
الإنسان بالحب يعيش
ويتحمل تقل الاحمال
من غير الحب يبقي مافيش
أى هدوء أو راحة بال
ويعيش عمره يدوق المر مع الأهوال
مَّرْ الحب علي أجيال
من اجناس ومن أشكال
منهم باقٍ ومنهم زال
من غير حب العيشة محال
وتهتز الأرض بزلزال
.......................
Ghazala Attia
غزالة عطيه
ليست هناك تعليقات:
إرسال تعليق