_____________
كله على كله ياناس تعظيم سلام
على نقط حروفنا دى حروف آخر تمام
إللى عاوز يتكلم يقوم يجرى أوام
يهرتل ويهرى ويقول أى كلام
عامل فيها المعرى وبيغرف من المقام
مع إنه بجد جاهل وبيشم جهل مغرى ويقول أنا أبو تمام
بيكتب كلمة أشد من غير نقط أسد
والنقطة تعمل إيه
قدام حافى بلاط
والناس بيصقفوله من كتر الانبساط
وكمان بيعظموله وجابولنا احباط
جاهل وبجهله حاضر بهمة وبنشاط
وكله هبل في الجبل وهجص واستعباط
حرام عليكوا يابشر بطلوا انحطاط
تعبتوا عين اللغة من كتر العياط
_____________
Ghazala Attia غزالة عطيه
ليست هناك تعليقات:
إرسال تعليق