مين فينا الحرامي بقلم صبري رسلان

​مين فينا الحرامي  (391)

........................

أمسك حرامي يا جدع .. 

ضلم فرح   ..

عشيم  ودان  صاحبه 

بحلق كسره إنجرح 

فركش خطوبته بالخداع 

شوكه طرح  

أمسك حرامي يا جدع ..

فالوش صاحب  جدع   

في الضهر سيف 

عشقه لجمال  خطوتك 

بافره  لكيف  ..

هييجي  يوم ينضغك 

لقمه رغيف  

أمسك حرامي يا جدع ..

خد  حق غيره 

بالتحايل والأنا

داس عاللي منه 

باع رخيص

أبليس  غواه  

بين يوم وليلة نط فوق 

برج  في سماه  ..  

أمسك حرامي يا جدع ..

حاسد في جاره عالنعم  

أعمى البصر     ..  

يتمنى يأخذ نعمته 

يوم  يتكسر   

قل  إيمانه من ضعيف 

لمفيش  خسر   

أمسك حرامي يا جدع ..

له  ألف  وش   

قدامنا شهد  وعسل 

وورانا  مش  

رامي  ودانه  للجيران 

نفاق  وغش 

أمسك حرامي يا جدع ..

لأجل المدام  أولا  

يهين  فى أبوه   

دايس على نبع الحنان 

واللي  جابوه 

لا كلمه حلوه تكون سند 

وجحود  لاقوه ..

أمسك حرامي يا جدع ..

بقلم  ..  صبري رسلان