(( الورقه قالت والقلم ))
بقلمي /محمد سليمان ابوسند
اكتب وعليي الكلام والبوح
واوعاك في يوم تكتم وتكبت
حاجات جواك
وارسم خطوط معالم طريق
واعبر حدود
خطي الحواجز
معاك تصريح تقول اللي
انت دفنه من سنين جواك
هنا كلنا سامعين وليك
ودانا مع فكرنا مستنين
ابداع جديد وصور وانقل
لنا كل اللي نفسك فيه
بريشتك وورقك ولا تخبيش
وخدنا الاهل والأصحاب كمان احباب
خليها وسيلتك وناقش معاها
وبوح
بحب بغدر بغش
بأماني كنت عاوز في يوم تتحقق
وكانت صدمتك في الغالي
والنفيس قبل الرخيص
اوعاك في يوم تحبس أهات
جواك وكل يوم وكل لحظه
هنستناك
بخداع قابلته في حياتك
بطعم الحياة حلوها ومرها
مسموح تفكر هنا
مسموح تناقش هنا
مسموح تقول لنا
كل اللي نفسك فيه
بقلمي/ محمد سليمان ابوسند
ليست هناك تعليقات:
إرسال تعليق