قصبده بعنوان
(زي ما إتعودت؟؟؟!!)
تكدب مره
واحده صارحني
في حياتك
قول لي إني
كنت واحد
من إل عاشوا
في ذكرياتك
قول لي إني
أخدت نصيبي
من الوجع
ودموع كتير
ذرفت على خدودي
بتوجع وقلب
صدى من آهاتك
زي ما إتعودت
تكدب
مش هاتخسر
مش هاتخسر لو
صارحتني بحقيقتك
كنت زيف
وسراب مر كأنه
وهم أو طيف
خيال مكانش فيه
غير لحظتين
ضحكت فيهم
غيرت وشك
عن حقيقتك
ما عرفت أميز
فيك كلامك
من سكاتك
ما عرفت أميز
طلعتك البهيه
علي أو لما
كنت بتخفي
عني كتير
من وراي
حاجاتك
كنت أقول في
نفسي برضو
إتحمله دا هو
واحد طلعت بيه
من دنيتك
حرام علي إن
أخسره السنين
إل عدت
جفا وليل
طويل مليان
سهد وعذاب
لو بأعد على
الأصابع كام تكون
عيوبك من
صفاتك
كنت بتدرس
الألم في
الفصول بالمدرسه
وأنا في الصف
الأول بتعلم
منك كنت بتعجب
إزاي بتشرح
الوجع للقلوب
كأنك دكتوراه
في التخصص
ماجستير متفصل
على قدك
وذاتك
زي ما إتعودت
تكدب
كلكم شاربين
خصالكم
ومتعودين
تحلفوا على
الميه تجمد
نشرب الذل
بسببكم وإنتم
مش خسرانيين
طلعت إمرأة العزيز
بعد ما نصبت
كمينها على
المسكين تذرف
دموعها مكسوره
يا عيني مظلومه
راودها على
نفسه وهي إل
دبرت الكمين
الكدب مش بيفرق
كتير على
صدقكم دا لو
في مره واحده
طلعتم فيها
صادقين
معرفش إيه هو
إل فيكم بيجذب
غير دموع
التماسيح وبنقول
في الآخر
ربنا هو المعين
وقال إيه
إحنا إل في
كتبكم ومناهجم
ملعونين
إحنا إل بنظلمكم
وبنتعبكم
صدقوني
لو كنا ملايكه نزلت
ليكم من السما
بتتصورونا
برضو إننا في
عيونكم خاينين
زي ما إتعودت
تكدب؟؟)
27/1/2022
(ترنيمات.وخواطر.بقلم)
(الشاعر.خيرى حشنى..)
ليست هناك تعليقات:
إرسال تعليق