....شو فيه جواتك ....
شو فيه جواتك محبة وشيطنة
غنج ودلع ودﻻل وولدنة
طلعيهن للعلن من دون خجل
وتشيطني عليي أنا وتولدني
تعالي تا علمك فن الغزل
وكيف العﻻقة بالمحبة بتنبني
اول الخطوات فنون القبل
كيف الرضاب من الشفاه بينجني
متل الشهد وأطيب من العسل
وطعمة رضاب المحبة باينة
لما بتحصد بالحب بوسة أمل
بتعيش مابين الثريا وزحل
وتزرع بقلب الصخور السوسنة
......
بقلمي
الشاعر عيسى وسوف باظة
ليست هناك تعليقات:
إرسال تعليق