إبنك كبر
إبنك كبر يامه
وعاد صوته من راسه
وحالف يجيب حقك
م اللي عليك داسو
لا هعمل حساب بيه
ولا هعمل حساب باشا
لا انا من اللي بيخاف ولا من اللي ببتلاشا
ولا هعمل زي اللي بيطاطو
وللإيدين باسو
فاكره يامه الواد جمال
اللي عنيه زرقا
مش ضربه ضابط غبي
وجت عنيه طلقه
ولا الواد كمال ملاكم الجامعه
داست عليه سيارة الدفعه
ماهو كل ده يامه
حصاد سنين فاتت
من فقروجوع وعطش
وناس عالرصيف باتت
وظلم وقهر وغفل
وناس عالسكوت عاشت
عرفتي ليه ابنك كبر
قبل اوانه وشاب
علشان ماتت خطيبته
في حادثه ف طريق ضيق
وكان محدد فرح والجمعه
كتب كتاب
فاكره يامه العضو ابو بدله
عالآخر منعم أوي وشايلهابالفتله
والعضوة بنت البلد وفيها كان العشم
تروح طريق النور وتسيبنا في الضلمه
حقولك ايه يامه مأكل شئ شايفاه
من وانا ف اللفه سمعت منك آه
انا عايز احذر من يهمه الأمر
اكتر من كده مش هنقدر
عالغلاء والمر
وممكن ننسي اللي فات
بس إبدأ بصدق السطر
سيد حجازي
ليست هناك تعليقات:
إرسال تعليق