عرفت مصر منين
قولي
عرفت مصر منين
من القلعة ولا الحسين
ولا من السيدة
دا جمال مافيش كدة
ع الصبح طبق الفول
والشاي وراه على طول
بوشوش متبسمة
إتفضل دوق كدة
دا جمال مافيش كدة
ومهما روحت وجيت
وتعبت ولا شقيت
برجع قوام ع البيت
بعيالي أنا إتدفيت
وبلهفة مش كدة
دا جمال مافيش كدة
ع القهوة أروح بالليل
وتكون كمان ع النيل
نسمع غنى مواويل
من الست ومش كدة
متسلطنين كدة
دا جمال مافيش كدة
دي قلوب فيها الرضا
دايما تقول الله
رافعين ايدين لسماه
فرحتها قريبة
دا جمال مافيش كدة
قولي
كلماتي / شاذلي محمد عبدالرحمن حسين
أغنية ( عرفت مصر منين ) شعر غنائى
ليست هناك تعليقات:
إرسال تعليق