(( تحت المطر ))
بقلمي / عصام حسيني مدين .... شاعر القلم الحزين
............................................
لحظة لُقا متجمعين تحت المطر
واخدك لحُضني و انتي حاضناني بشغف
ناسيين همومنا وجرحنا حتي البشر
عايشين نغني للمحبة وللصُدف
نِزل المطر بلل هدومنا وقلبنا
دَفينا بعض بحُضننا مين زينا ؟
إيدك في إيدي يا حبيبتي وحلمنا
نوصل سوا نلقي الهوا بيضمنا
ومشينا في درب الليالي لوحدنا
حالة سكون والضوء ضعيف
وقلوبنا بس منورة وسط الضلام
حتي المطر خَلا الخريف زي الشتا
ورقة شجر متفتفتة وسط الزحام
إحساس لطيف إنتي وأنا
في حالة لقا بعد الضنا
عصفور سمعتو علي الشجر
رغم الرياح رغم المطر
عمال يغرد للحبيبة الفاتنة
فمشيت معاكي متهني وسعيد
حَطيت علي كِتفك هدومي إطمني
برد الشتا ميهمكيش
أنا شمس بتدفيكي وتحضنك فمتبرديش
إطمني .. إطمني
حُضني الحِنين دنيتك
و إنتي اللي حضنك حَسنِي
خِلص المطر حان الوداع
انتي في طريق وأنا في طريق
بِكيت عيوننا ع اللي ضاع
من عُمرنا انتي وأنا
وبعِدنا في الليل الغميق
خَدتك لحُضني أودعك
وسمعت بالصوت الرقيق
آهات حزينة ومؤلمة
ودموع بتحرقني حريق
حان الوداع يا حبيبتي لكن حُبنا
عايش ليوم الدين لأرواحنا رفيق
جوانا بيخلي الزمن أجمل كتير
وينور الليل اللي مش عايز يضئ
ومِشِيتْ لبيتي وهي راحت عندها
كُل اللي بيننا يادوب لُقا وحبة مطر
قلبين سوا اتمرجحوا وسط الشجر
باسوا الضلوع المشتاقين ساعة سفر
ضمة وتر حَن لوتر
قُبلة بتخاف م البشر
نظرة عيون الناس بتجرح قلبهم
ماهو هو ده أكبر خطر
دقات قلوب عمالة تخفق ع السريع
وعيون بترسم في اللُقا أجمل سهر
كفين لُقاهم منتشي ويا القمر
والليل بيُستر عشقهم
الليل بينسج حلمهم
لحظة لقا متجمعين إنتي وأنا
يا حبيبتي ويانا المطر
ليلة لُقا تحت المطر
.................................................
بقلمي / عصام حسيني مدين
ليست هناك تعليقات:
إرسال تعليق