[وَرَّطِ بْلادو]
------------------٠٠
زِيلينسكي وَرَّطِ بْلادو
بَدَلْ ما يِعْلنْ حِيادو
وْلمَّا غرِقْ بِالأوْحالْ
شو عِمْلولو أسْيادو
ما بدْها كاني وْماني
عذاباتِ الأوكراني
سَبَّبْها هالمهرِّجْ
العميلِ الأمْريكاني
زيِلينْسكي طبعًا بِعِلْمو
جابِ الدبّْ لَكَرْمو
وْعِمِلْ مْنِ بْلادو
للناتو بْصراعو طُعْمو
زيلينسكي مِثْلِ الغرابْ
جابْ لَبلادو الخرابْ
وِالناتو باعو كلامْ
وٰالدَفِعْ بِدونٰ حْسابْ
وَلدْ تافهْ مُغامِرْ
وْبِبْلادو عمّْ بِقامرْ
لَأجْلِ الأمْريكاني
وْوَحدو حَيْكونِ الخاسرْ
مهَرِّجْ بْرُتْبِةْ رئيسْ
جابوهْ لَيْنَكِّدْ عالروسْ
أكلِ لَحالو العٓلْقَهْ
وْهِيِكْ الجَزا للجاسوسْ
تْغطّى زٰيِلينْسكي بالغربْ
وْمِنٌّو وْعودْ شِبِعْ كِذْبْ
وِالكلّْ باعو ثـرْثراتْ
لمَّا عراسو داسِ الدبْ
الأسيادْ بِعْطو وْعودْ
للعملاءْ بَلا حْدودْ
وْلمَّا بْتِحْمى الحديدِهْ
بٰقولوا هذا الموجودْ
إلْمِتْغطّٰي بٰالأمْريكانْ
بِظلِّ العُمُرْ برْدانْ
لمَّا عليهمْ بِتْراهِنْ
َبِتْصبِّحْ في خبَرْ كانْ
لمَّا بْتِتْحرَّشْ بالدِبْ
إحْسبِ حْسابَكْ لٍلحربْ
القصَّهْ يا زيلينسكي جَدّْ
مٰشْ تَسالي وَلَّا لِعْبْ
عمْلوا مِنْ أوكرانيا طُعْمْ
وٰاتْفجَّرْ بِزيلينسكي الٌّلغْمْ
زَجُّو الغربْ ضدِّ الروسي
وْشِرِبْ وَحْدو كاسِ السَمّْ
ما بدّٰي الناسِ يْلوموني
زيلينسكي ولدْ صهيوني
لِعْبو فِيُّو الأمْريكانْ
وْبِسْتنْجٰدْ تَعو انْجِدوني
حاملْ جنسيِّةْ اسرائيلْ
وْبِأيِّدْ علينا العدوانْ
لِيشْ بدٌّو هالعميلْ
يِتْعاطَفْ مَعو الإنسانْ
أيَّدْ على غزِّهْ العدوانْ
وْأيَّدْ حروبِ الكيانْ
وْما عندي أيَّا تَعاطفْ
معْ أدواتِ الأمْريكانْ
بدُّو يْجِبْلو لَحَدِّ البابْ
صواريخِ الناتو الأغْرابْ
وْفكَّرِ الناتو بِحْميهْ
طِلِعْ بِالزحْمِهْ كذَّابْ
لمَّا النمْلهْ تْحاربْ فيلْ
ما بدْها القصَّهْ تَحليلْ
شو بتْكونِ النتيجِهْ
لمَّا بْجَنْبو عليها يْمِيلْ
ما بْتِنْفعْها أمْريكيا
وَلا حتّى إسرائيلْ
ضَربْ راسو بْأعلى حِيطْ
زيِلينْسكي الولدِ النَطِّيطْ
نمْلِهْ عمّْ تٰتحدَّى فيلْ
واللهِ إنَّكْ عبيطْ
لِعْبو فيكِ الأمْريكانْ
وِاسْتَجَبْتْ لٍلتوريطْ
ما في مزِحْ معْ بوتينْ
وَلا معْ حكَّامِ الصينْ
الغربْ ما بِلْزَمْ حَدُّو
إلَّا قْبالِ الصاعِ اثْنِينْ
وٍرٍّطْ زيلينسكي بْلادو
وْتَحريضِ الناتو شو فادو
مِنْ يُومِ اعْتلى الكرسي
صارْ للناتو قوَّادو
بايْدِنْ أفتى بالجهادْ
وِبْأوكرانيا الإستشهادْ
شرطِ الإنْتحاري يْكونُْ
مرتزقْ مِنْ غيرِ بْلادْ
لِأنُّو الشبِّ الأمْريكي
عالتعاسِهْ مشْ معْتادْ
والجوائزْ أوكرانيِّهْ
بدَلْ خديجهْ وْوِدادِْ
وِاسمَعْ فتاوى الأوغادْ
جِينا لَنَشرِ الإسلامْ
فيها ما بينِ العبادْ
نفْسي تِنْبادوا فيها
وْما يٰرْجعْ منكمْ قوَّادْ
وْمثلِ الفطايسْ يِنْدفْنوا
لَتٰبْقى نْظيفِهْ لِبْلادْ
--------------------------
شعر:عاطف ابو بكرٍ/ابو فرح
٢٠٢٢/٣/٨م
[كيلو رزِّ وْكِيسِ طْحِينْ]
----------------------
كِذْبِةْ حقوقِ الإنسانْ
جرَّبْناها في لبنانْ
أمٍّا الكِذْبِهْ بْفلسطينْ
أكبرْ عارْ عَالأمْزيكانْ
كَشَفْنا كلِّ الكذَّابينْ
بَعِدْ نَكْبِةْ فلسطينْ
إلْنا بِفْهموا الحقوقْ
كيلو رُزِّ وْكيسِ طْحِينْ
فِرْغَتْ أوكرانيا بْأسبوعْ
وْغزِّهْ قالتْ لا رُكوعْ
ما بِنْغادِرْ هذي الأرضْ
رغمِ القتلِ وْرغمِ الجوعْ
شعْبْ مِتْمسِّكْ بالأرضْ
وِصْمودو عِبادِهْ وْفَرْضْ
ما بِفَرِّطْ بِأشْبارْ
قَرْنْ لو طالِ الحصارْ
لو حاصروا بِنـيامينْ
مِثْلْ ما عِمْلوا بْبوتينْ
كانِ انْزاحِ المحْتَلِّينْ
عنِ القدْسْ مِنِ سْنينْ
بْتستقْبِلْ إسرائيلِ الأوكرانْ
لَتْوَسِّعِ الإستيطانْ
أمَّا اهْتمامِ العربانْ
عالصدِرْ رايحْ وِالسيقانْ
للأسفْ تخطيطِ اليهودْ
عٌدواني وْبلا حُدودْ
واحَدْ هَمُّو كلُّو الجِنْسْ
وْوَاحَدْ تَخْطيطو لَبْعيدْ
كلّْ هذي الشعاراتْ
سْلاحِ بْإِيِدِ الخواجاتْ
بْتِفْتَحْ لَأطْماعِ الغربْ
لَلتدَخُلّْ بَوَّابَّاتْ
لوْ تِوْثَقْ بِالأمْريكانْ
بِتْسلِّمْ ذَقْنَكْ للشِيطانْ
وْبَعدْ ما يْفوتِ الخازوقْ
إضْرُبْ راسَكْ بِالحيطانْ
النُسْخَهْ الأوكرانيِّهْ
طَبْعَهْ جْدِيدِهْ نازِيِّهْ
حاميها حلفِ الناتو
وٰالحركِهْ الصهيونيِّهْ
كلِّ الضغْطْ على إيرانْ
لَخِدْمِةْ أسفلْ كِيانْ
وِالمفاوِضِ الغربي
لإسرائيلْ بْفْيَنَّا لْسانْ
ذُقْنا مْنِ العالمِ الحُرّْ
إحْنا الفلسطينيِّينِ المُرّْ
وْهِيِ بْلادِ الإستعمارْ
مِنْها أجانا الدمارْ
بْلادِ الغربِ الديموقراطي
وِالديمقراطي بِينْ قٌوسِينْ
هِيِ سبَبْ مأساتي
أنا إبِنْ فلسطينْ
المرحاضُ وْإسْمو تْواليتْ
حُطّْ فِيُّو لو حبِّيتْ
كلّْ شعاراتِ الغربْ
لِأنُّو فيها خرابِ البِيتْ
بْتتْبدَّلْ كلِّ المعاييرْ
لمَّا تْمِسّْ إسرائيلْ
مشروعْ بِصيرِ التهجيرْ
وْفينا مشروعِ التنْكيلْ
بٰبلادو ديموقراطي الغربْ
وْبِحَلِّلْ مِنْ غِيرو النهْبْ
وْإذا ثارْ ضدُّو شعْبْ
عَراسو راحْ يِنْزلْ ضَرْبْ
أوكرانيا فيها السيادِهْ
شْوَيِّهْ سكَّرْ زْيادِهْ
أمَّا بْسوريَّا وْبالعراقْ
مِخْتِلْفِهْ شو هالنفاقْ
الغربْ أبو لِاسْتعمارْ
في الأرضْ عاثِ الدمارْ
وَلمَّا بالحريّهْ تْطالِبْ
عَليكْ بِزْدادِ الحصارْ
أكبرْ كِذْبِهْ للتخديرْ
حقّْ تقريرِ المصيرْ
وْما في شعْبْ بَلا سْلاحْ
وَصَّلْ بٍلدو للتحريرْ
سالِ الدمّْ بِالوديانْ
باليمنْ أصلِ العربانْ
وْما سْمِعْنا كِلْمِةْ تَنْديدْ
مِنْ باعِةْ حْقوقِ الإنسانْ
بَلا سْلاحْ بٰالمِيدانْ
مالَكْ حَقّْ كإنسانْ
وْبالقوِّهْ مِثْلِ الأفغانْ
تْدَعْوَسْ راسِ الأمْريكانْ
بِالعِيِشْ فقطْ إلو حَقّْ
إلأشقرْ وِعْيونو زُرْقْ
هِيكْ بِتْعامَلِ الغربْ
معْ إفْريقيا وْأهلِ الشرقْ
بْناجازاكي وْهيروشيما
لا رُحْنا وَلا جِينا
تَطبيقْ حقوقِ الإنسانْ
بِطَرِيِقْةِ الأمْريكانْ
-------------------------
شعر:عاطف ابو بكرٍ/ابو فرح
٢٠٢٢/٣/١٠ما
ليست هناك تعليقات:
إرسال تعليق