قدرت تنطقها
..................
بقلم الكاتب
محمد عباس
الإسماعيليه
................
وقدرت تنطقها
وتفوتني وحداني
هانت عليك عشرتنا
وطلعت انا الجاني
مين اللي صدقنا
تقدر تبيع تاني
غزلنا توب فرحنا
ورضينا بالمقسوم
لكن ماكنشي الطلب
نشوف مرار وهموم
وفي ثانية نتبدل
واقع شرور وغيوم
ماكنت اتصور
تجيب علي اللوم
ذكري وفيها حلمنا
نبقي مع بعضنا
ايام وعشناها
ولاصونا يوم حبنا
فين لمة الاحباب
طب ليه بننساها
وفراق علي الاعتاب
ودموع بنهواها
فرحتنا بعد غياب
قلوبنا نكراها
بكلمة اوبعتاب
هنعدي وياها
نحلم جسور الود
ولاشكوي نلقاها
رخيصه يادنيا
مابين نواح وجراح
مفرقه السكه
للاهل والافراح
طب ليه بنتعذب
ونقول قدر مكتوب
ماكنا م الاول
نهجر اثام وعيوب
ولايستحق القدر
تبات حزين مغلوب
فارقت كل الضني
وصبرت لاجل تتوب
بعد فوات العشم
كتاب وكله ذنوب
وقدرت تنطقها
يا حسره علي المحبوب !!!
ليست هناك تعليقات:
إرسال تعليق