جسر النجاة (443)
................
الله أكبر من فلان طايح يشوط فاكرلي نفسه عنترة جلاد بسوط
ولولا صوته ما إتقلب البرص حوت قرشين في جيبه مجمدين رجليه بعود
طب فك كيسك يا همام
بكيلو توت
ولا أنت صرفك جعجعه
وبس صوت
عالشر فيك صحه جمل
فى الحيط تفوت
حسن لسانك إدهنه ياسمين وعود
زود رصيدك فى الحياه
إنسان خلوق
طب خلي حاجه لأخريتك ده منين تفوت
أمك و أبوك كان ذنبهم
للنور جابوك
طب حن حبه يمهم بس
يشوفوك
ولا أنت قلبك ده حجر
ياما دول شالوك
وبتدي ودنك للشيطان وهتجني شوك
وبأيه هينفع الندم لما يفوتوك
ميل عليهم يا جدع بوس أيد أبوك ..
ده تراب قدامهم جنتك
إن رضيوا عنك تتسعد
من النار حموك
بقلم .. صبري رسلان
ليست هناك تعليقات:
إرسال تعليق