بقلمي.....هو الوكت كله انگلب
الشاعر والاديب جاسم اللامي اللامي
ما ينعدل ذيل الچلب
اولا ينعتب عالجاهل الماله گلب
اولتأمن الخاين وعد
اشيحچي الك كله چذب
الخاين هله دمه نجس
اوليش نعتب عالذي ماله عتب
اواحنه مثل ذاك المثل
حامض اوميلوح العنب
والحوت بالعنه بلع
يا كلنه گوة ابلا تعب
البشر مو ذاك البشر
الضباع نهبتنه نهب
اشلون نمشي ابيا كتر
امنين نمشي ابيا درب
صدگوني حيرنه الوكت
بهذا الوكت كلشي خرب
اوفوگ كل هذا التعب
تعذبنه احنه ابلا سبب
ناكل خبز ما ينوكل
ما. بي طعم چنه حطب
لا ذنبك ولا لي ذنب
هو الوكت كله انگلب
2022/5/27الجمعة ..مايو
ليست هناك تعليقات:
إرسال تعليق