ذاك الحلم اللي امن الصغر احلمتو
باقي منو شي امعالم مازالو
كل اللي هو فالعقل واك اخدمتو
ولى اللي فالڨلب ماني نعنالو
غامرت امع الڨلب ياسر ماطعتو
واللي كان ايريدها نڨلعهالو
اما عقلي في امواهم طاوعتو
واللي فيها داس نا نعملهالو
في ميزك واعلاه ذا الراي امشيتو
اوهم ليا في زوج نسأل وايسااو
كي رضيت العقل ماراد اهديتو
عارف باللي راه يحمل اثقالو
اما الڨلب اشحال مالراي امنعتو
وين ايشوف الصاعبة هي تحلالو
يبقى الحلم اصعيب كان اتمنيتو
لاما تاب العبد كلش اڨبالو
بشيري احمد
الجزائر
ليست هناك تعليقات:
إرسال تعليق