يا تاجر الصبر ........
أوصفلي دكانك.......
لفيت عليك البلاد .
ما عرفت عنوانك .
دقيت باب البيوت .
يمكن ألاقي دليل .
لا حد رد عليا .......
ولا شوفت حتى بديل .
فين سكتك ...... يا عم .
كل أما أجيك في طريق .
ما بشوفش غير الغم .
يا تاجر الصبر.... إهتم .
و إرحمني.......... يا عم .
يا تاجر الصبر.........
بسأل عليك من يوم .
ما عرفت معنى اليأس.
يمكن دوايا يكون .
على إيدك ..........
يمكن ألاقي علاج.
يتفك بيه النحس .
ولو ملاقيتش علاج .
انا برده هدعيلك.
محتاج علاج للصبر .
و أنا عارف إنه مر .
علقم و زي النار .
لما بتكوي الجرح .
كله يهون لو كان .
أخرة همومي فرح .
ما انا أصل حالي مال .
لا يعجب ولا يسر .
سألت عليك الناس .
وصفولي ألف طريق .
و طريق يجيب في طريق .
تايه في بحر غريق .
أنا ماشي على حكمة .
قولتها انت بلسانك .
الصبر مفتاح للفرج .
بس اللي يفهم كلامك .
يا تاجر الصبر....
إوصفلي دكانك .
بقلم :
هاني فتوح
ليست هناك تعليقات:
إرسال تعليق