ياحظ
طبطبت ياما ع الحظ
عشان ما يزعلنيش
طلع الطبع واطي
وللواطي ماتعليش
سنين كتيره خدعني
وعندي زيه مافيش
بانت مخالب ايديه
ونهشني ولاقليش
ياعم يابتاع الأصول
بيعلي ياغالي مترين نستر بيهم نفسي
دا اللي باقيلي يومين
رفعته فوق فى السما
حن لظلام خفافيش
ملعون أبوك ياحظ
صحيتنا على كوابيس
ياما فى الجراب ياحاوي
ولسه كتير كواليس
لبان ولبنه فاسد
وهمني يبقى قريش
عبيط انا وصدقته
دفعت كمان بقشيش
ياريت بايدي دفنته
كان سمه ماصابنيش
نبيل عبد الحليم
٧/٨/٢٠٢٢
ليست هناك تعليقات:
إرسال تعليق