أنا المستحيل أناالا ممكن
أنا الصادق مع نفسي
اناالصادم بليل يأسي
انا الكذاب مع الممكن
أنا الغايب أنا المحبوس
مع صمتي
أنا العايب عشان قيمتي
أنا الشايف وأنا الأعمى
انا السامع فقط صوتي
انا جامع حروف خيبتي
وفي الأحزان متمكن
بس مش انا الممكن
أنا حدوته كتبها الحظ
على راحته
ولا جاني ولا عرفته
كتب عني ولا شفني
ولا سمعني وخلاني
شهم حدوته
لكن ضايع قليل الحيله
من يومي مع قلبي
ومع طيبته في دي بس
أنا الممكن
أنا خايب وبتعلم
كتبت السطرمن خوفي
ودابت كل كراستي
وزعلت منها و كفوفي
وبقيت راسب في مدرستي
ونجح غيري اللي متفطن
لأني كرهت الغش واصحابه
ولا يمكن على بابه
اتسند واركن
ما انا المستحيل وإلا ممكن
وفي الطيبة وتعب القلب
أنا الممكن
سيدحجازي
ليست هناك تعليقات:
إرسال تعليق