أنا مش شاعر .
بس أتمنى أكون شاعر.
أنا مجرد قلم كتب إلي في الخاطر .
يمكن أكون بقول كلام متعاد ..
بس كلام طالع من القلب يتذاكر.
ممكن تكون كلمة او جملة .
أو حكمة من الأجداد.
ممكن يكون شجن
ممكن يكون خيال .
او اي كلام عابر .
من زمان أنا نفسي أقول إللي جوايا .
وأكسر قيود الخوف و الخجل إن عاد.
ما أنا كنت عامل للناس خاطر .
أكتب يا قلم ...
ولا تنحاد عن الحق سنتي أو مللي.
ما أهو أصل صوت الحق جلاد .
و أنا فى الطبل و الهري مش شاطر.
كنت أخاف أكتب الناس ميعجبهاش .
و يقولو بيقلد.
وأقول أعقل يا واد وبلاش تخاطر.
تكنش فاكر نفسك الخال.
ولا جاهين و لا الجخ .
ولا يمكن العقاد.
أصل الشعر ده كيف .
و أخره طريق واعر
إللي يدوق لذته .
يبقاله زاد و زواد.
إن عدى يوم من غير ما يكتب بيت .
ما يبقى على النوم قادر .
و من الاخر . أنا مش شاعر .
انا بأكتب إلي في الخاطر
كلمات
هاني فتوح
ليست هناك تعليقات:
إرسال تعليق