لغة العيون كلام ........ مبيفهمهاش كتير
والقلب يا سلام .... ف الحب ملوش كبير
أول ما يدق دقة ..... ميقولش لحبه لأ
روحه هايمه وسابقه ... للعشق وللغرام
لغة بتقول وتحكي ...... حواديت منها ياما
وف الحزن بس تشكي ...... ولا تبين ملاما
لمعة ف العين تنور ... دمعة م العين تحير
ولو فيها شئ اتغير .....يبقي سببها الأيام
لغة ومن غير حروف ... ناطقة كلامها السكوت
إتعلم منها وشوف ........ بتغني بأحلاها صوت
نغم ومش أي حد .... هايسمع صوته بجد
دي منها الجبال تنهد .... وتبقي تراب أوام
الشاعر الغنائي / عرفات فرج الله بلبل
ليست هناك تعليقات:
إرسال تعليق