فتح المزاد
ألا أونا ..ألا دو ..ألا ترى.
الصنف : إنسان غلبان
العمر : عايش من زمان
الشكل : مهموم مليان أحزان
العنوان : عايش فى اى مكان
الوصف : مالوش فى اللف و الدوران .
السعر : مرهون فلسان.
مين قال أشترى
مين بدأ المزاد ؟
أيوه يا أستاذ
مين قال أنا ؟
قربى يا مدام
بأسعار زمان .
تعالى يا صبيه
خدى إنسان
و عليه إنسيه
أقرب أقرب
إنسان متدرب
إتفرج و جرب
يعنى مفيش حد يسعر
يبقى خلاص
هنبيع ببلاش ....
يا بلاش .... ...
كلمات
هانى فتوح
ليست هناك تعليقات:
إرسال تعليق